Valda Jansen

Valda Jansen is die skrywer van die roman Hy kom met die skoenlappers waarvoor sy in 2017 die Jan Rabie-Rapportprys ontvang het. Sy is ook die ontvanger van die Jan Rabie-Marjorie Wallace Skrywersbeurs vir 2020. Valda Jansen is in Aliwal-Noord gebore en het in die Strand grootgeword. Sy was ’n Duits-onderwyser in Mitchells Plain en die Paarl, voordat sy as joernalis by Die Burger en Beeld gewerk het. Valda Jansen het gedebuteer met die verskyning van gedigte in iQabane Labantu – Poetry in the emergency /  Poësie in die noodtoestand (Taurus 1990). Daarna verskyn haar gedigte ook in die Groot Verseboek (2000 en 2008) en Gerrit Komrij se Die Afrikaanse poësie in ʼn duisend en enkele gedigte (1999). In September 2019 het sy deelgeneem aan die Week van de Afrikaanse Roman in Nederland en Vlaandere. Valda Jansen woon in Kaapstad en gee deeltyds Afrikaans by die UWK.

Die Teaterprojek Stemme word op LitNet vrygestel

“Zubayr Charles, wat LitNet se Kommadagga-slypskool voltooi het, het Haram geskryf. Quanita Adams was die regisseur en Bianca Flanders en Marunzo Thomas in die rolverdeling. Zubayr sê: Om by Suid Afrika se […]

Golden Oldies: Die Derde Golf in Somerset-Oos

“Alice, Oos-Kaap. Dis nou einde Mei 2022, die begin van die vyfde golf Covid-19 infeksies. ’n Jaar gelede, asook drie inentings terug, was ek op die punt om die motor […]