Ek is generally baie goed daarin om te weet wanneer om nee te sê vir goed. As ’n artist wat ’n living try maak van sy creative output, maar wat ook ’n strong sense of credibility en integrity try maintain deur nié die market te flood met ’n klomp half-baked shit nie, móét jy dit down hê tot ’n fine science. Wat my personal life betref, however, is ek nog ’n work in progress.
Example: die ander dag gaan ek Spar toe. Nog nie eers by die deur in nie, sneeze die security guard op my, so naturally gaan soek ek ’n stil deel van die winkel uit waar ek gou my mini-breakdown kan manage. Staan ek toe voor die Krispy Kreme display stand, voel ek ’n hand op my skouer. ’n Hand wat ek toe láter eers uitgevind het behoort aan ’n bra wat saam met my op Stellenbosch was; een van daai brasse op daai lang lys van motherfuckers wat ek ge-vow het ek gaan nooit weer sien nie. Ek was besig om te spiral, so al wat ek van die interaction kan onthou, is ’n geknik, ’n gelag en ’n overly masculine, palm-slamming, shoulder-blade-slapping groet. ’n Paar dae ná daai kry ek ’n message met ’n pin en ’n “check jou daar, tjom!”
En daai’s die storie van hoe ek opgeëindig het by ’n F1 watching party.
Lees verder hier:
https://klyntji.com/joernaal/2022/8/24/pretty-dope-things-om-te-suffer-vir-jou-kuns-ryan-pedro
Ryan Pedro is in 1993 gebore en het sy grootwordjare in Kakamas en langs die Weskus deurgebring. Hy woon tans in Gordonsbaai saam met sy lewensmaat. Van sy gedigte het in Nuwe Stemme 6 verskyn en hy het aan sy debuutbundel pienk ceramic-hondjies gewerk tydens die Jakes Gerwel Stigting / PEN Afrikaans Skrywersresidensie van 2019. In pienk ceramic-hondjies maak die leser kennis met die vars en nuwe stem van Ryan Pedro wat skryf oor ’n leefwêreld wat in die Suid-Afrikaanse letterkunde nog bykans onaangeroer is. Die gedigte word dikwels vanuit die oogpunt van ’n plattelandse bruin kind in sy vormingsjare aangebied. Blootstelling aan verskillende wêrelde binne die familie-opset of dié van ’n klein dorp bied ’n blik op die vloeibaarheid van identiteit en die kompleksiteite wat meegebring word deur ras, klas en opvoeding. Die verskillende leefwêrelde word ook sigbaar gemaak met verskillende taalvariëteite wat in die verse voorkom. ’n Unieke stem vanuit ’n nuwe generasie skrywers tree toe tot die Afrikaanse poësie in hierdie bundel.
