Trek twie-duisend rand
betaal my skuldtjies.
Vier-hon’it vir “Edgars”
Drie-hon’it vir “Dick en All’Shop”
Twie-hon’it virrie kerk
en, een hon’it en vyftig virrie dood.
Asseblief, my hartpille by die apteek
en “Nice en Easy”-dye vir my hare,
“Dark Auburn”, nommer een hon’it en twaalf.
’n boks “Twinsaver”-tissues
’n blik babapoeier
“Yardley-Confetti”-spray
Panado-pille
Puma-salf
Versterkdruppels
Groen amara
Wonderkroon
Jamaika-gemmer
Halmes-drip en Vaseline
en “L’Oréal Paris Anti-Wrinkle Cream”
Die potjie vir ’ie nag,
Want dit hou my vel lekker sag
Kry tamaties en skorsies ôk
’n sak uiwe
’n boks “Bacon Kips”
’n tin “Quality Streets”
“Apple Crumble”
“Romany Creams” mettie mint,
“Bob Martin”-pille virrie hônne
en ’n varsgebakte melktert mettie Shoprite-seëls.
Maak ’n draai by die slaghuis
kry ’n pak Grabouw-wors
“Lean Beef Mince”
en die special by jou niggie, Rince.
Kyk ôk vir ietsie moois by “Edgars”,
om kerk toe aan te trek.
Hou al die slippies
bring al my kleingeld
en koep vir jou iets lekker,
want jy het hard gewerk.
Jeremeo le Cordeur, gebore en getoë in Wellington in die Wes-Kaap, het ’n kreatiewe siel. Sedert hy aan City Varsity se Skool vir Media en Skeppende Kuns gegradueer het, werk Le Cordeur as kunsfotograaf en neem hy verskillende rolle in die teaterwêreld op. Le Cordeur is die entrepreneur agter Vulture Productions, ’n produksie- en ontwerpplatform vir kreatiewe en oorspronklike Suid-Afrikaanse teaterstukke. As vervaardiger en regisseur het Le Cordeur reeds vele suksesvolle teaterproduksies gelewer. In 2014 behartig hy die regie van Tannie Dora goes bos, Warren Meyer se skreeusnaakse spannings- en moorddrama wat tydens die Kunstekaap se agste Kunstefees vir Vrouemenslikheid opgevoer is. In 2019 is hy die regisseur van Mama, die karakterstuk waaraan hy met Chenal Kock meegewerk het. In dieselfde jaar sien sy twee eenmanstukke Jerry, an unconventional hero en Dude, wa’s my bakkie? die lig. In 2019 ontvang hy die NATi Jong Sterre-toekenning by die Suidoosterfees.
15 thoughts on “OumaLilly se Shoping Lysie”
Ai. Mis baie vir ouma
Goeie dag Lee Ann,
Mag jou ouma se siel in vrede rus en in u hart bly voort leef.
Sterkte en als van die beste, liewe Lee Ann
Gedig,so uit n ouma se pen..pragtig,Jeremy…n Ouma..is wysheid vanself…as n ouma sterf…het n seder geval…inderdaad…n hele wereld van kennis n wysheid…mag ouma Lily se siel in perfekte vrede rus…
Goeie dag Rehana,
Dankie vir u mooi woorde. Dus ‘n baie spesiale gedig hierdie.
En ons hoop Jeremeo sal weer gou-gou een of meer van sy skeppings plaas in Paulet House Stories.
Als van die beste.
ek kan eintlik vir Ouma Lilly hoor dit se soos ek lees. Pragtig geskryf.
Beste Toni,
Dit is pragtig en ‘n uitsonderlik gedig. Ook vreemdelinge soos ons kan Ouma Lilly se stem hoor deur Jeremeo se woorde.
Ons hoop u sal weer kom kuier by Paulet House Stories.
Mooi bly.
Pragtig. Pure lekkerte om te lees. Die lysie oortuigend en bekend!!
Die liefde vir jou ouma.. Die omgee straal selfs vanuit haar opdrag aan jou. Sy het jou met haar lewe vertrou(dood, dak, kerk) My oë voel klam Jeremeo!!
Pure liefde. Lank lewe ouma Lily🙏.
Beste Sonja,
Ons stem saam, die gedig is pure liefde van ‘n talentvolle digter. Ons hoop hy sal gou weer een of meer van sy skeppings stuur vir publikasie.
Mooi bly.
Ohhh he is a son from ABOVE ouma Lilly se klong ek mos hle2verskriklik baie hoe lekker j altyd gelag het Dan se ouma net ai nee Jeremy ai j lyk oulik moeti jou geld so mors ni ai miss ouma baie.. bly geseënd ouma se klong❤❤🙏🙏
Beste Laura,
Dankie vir u mooi boodskap oor Jeremeo se gedagtes oor sy geliefde ouma. Ons hoop us sal weer kom kuier by Paulet House Stories vir meer van Jeremeo se uitstekende gedigte. En miskien sal u die ander skrywers ook geniet.
Als van die beste
Awwwww man…Jy is te dierbaar ouma se klong. Ek hoop ek kan jou eendag ontmoet net om jou n drukkie te gee. Jys net n kleinseun duisend wat ons so lekker entertain het met jou en ouma se doen en late.
Beste Geraldine,
Dankie vir jou boodskap. Ons sal dit oordra aan Jeremeo.
Ons hoop u sal weer kom kuier by Paulet House Stories en die ander skrywers ook leer ken.
Als van die beste
The memories this poem invokes in me. I wish I could have done this for my own Ouma. May Ouma Lilly’s spirit continue through Jeremeo’s words. May her beautiful soul continue to inspire us all.
Hello Jaimy,
Too true. It is a beautiful homage to his Ouma. Apparently, he made a documentary too. I will ask him if we can share the video here.
Thank you for visiting Paulet House Stories. We hope you will drop in again and find some more stories to inspire you.
All the best
PHS
Nie jou gewone gedig wat jy elke dag kry nie. Ouma sallie vi myrie klein geld gie want ek sallie aal daai dinge kan onthou nie.